विराटनगर । कोशी प्रदेशका सभासद् भीम पराजुलीद्वारा प्रयास नेपाल नामक संस्थाद्वारा सञ्चालित औद्योगिक तथा व्यापार मेला प्रदर्शनी पानसमा बत्ती बानेर आइतबार उद्घाटन गर्नुभएको थियो । मेलाको उद्घाटन गर्दै महिलाद्वारा सञ्चालन गरिएको औद्योगिक तथा व्यापार मेला प्रदर्शनीद्वारा महिलालाई अगाडि बढ्न हौसला मिलेको छ भन्नुभयो ।
यो प्रदर्शनीले महिला सशक्तीकरणलाई अगाडि बढाउनेतर्फ थप बल मिलेको छ भन्नुहुँदै महिलाद्वारा गरिएको यस प्रकारको प्रदर्शनीलाई सबैले आ-आफ्नो तर्फबाट सहयोग गर्नुपर्ने कुरामाथि जोड दिनुभयो ।
प्रयास नेपालको अध्यक्ष आशा खड्काको सभापतित्वमा भएको उक्त कार्यक्रममा भरत दाहाल, देवचन्द्र घिमिरे लगायतले समेत बोल्नुभएको थियो ।
उक्त अवसरमा कलाकार सुमित खड्का, श्रीकृष्ण लुइँटेल लगायतका अन्य कलाकारले साङ्गीतिक प्रस्तुति समेत गर्नुभएको थियो ।
