देवानगञ्ज। देवानगञ्ज गाउँपालिकाले पहिलो पटक राष्ट्रिय सहकारी दिवस मनाएको छ। राष्ट्रिय सहकारी दिवसको अवसरमा सहकारी शाखा देवानगञ्ज गाउँपालिकाले एक कार्यक्रमको आयोजना गरि ६८ औँ राष्ट्रिय सहकारी दिवस २०८१ मनाएको हो।
पालिका भित्र रहेका सहकारी संस्थाहरूलाई पारदर्शिता, उत्तरदायित्व तथा सुशासनका आधारमा मर्यादित र अनुशासित रुपमा सञ्चालन गरी मुलुकको समुन्नत समाज निर्माणमा योगदान गर्न “मर्यादित सहकारी : समुन्नत समाज” मूल नारा सहित पहिलो पटक मानिएको आयोजक सहकारी शाखा देवानगञ्ज गाउँपालिकाले जानकारी दिएको छ ।
कार्यक्रमलाई सम्बोधन गर्दै देवानगञ्ज गाउँपालिकाका अध्यक्ष एवं कार्यक्रका अध्यक्ष बेचन प्रसाद मेहताले पालिका भित्र रहेका सहकारी संस्थाहरूलाई एकजुट गर्ने उदेश्यले पहिलो पटक सहकारी दिवस मनाएको बताउनुभयो । अध्यक्ष मेहताका अनुसार आ-आफ्नो हिसाब चल्ने गरेकोले सहकारीहरुको अवस्था नराम्रो छ। सम्पूर्ण सहकारी संस्थाहरुलाई एक जुट एक शुत्रमा लियाई एक मुस्ट कार्यक्रम दिने र हरेक वर्ष सहकारी दिवस मनाउने उहाँले बताउनुभयो। आउने दिनमा सहकारी क्षेत्रमा सुधार ल्याउन एउटा छुटै समिति गठन गरि अनुगमन गर्ने र नियम विपरीत कार्य गर्ने सहकारीलाई कारवाही गर्ने र उत्कृष्ट गर्नेलाई प्रोत्साहन सोरुप पुरस्कृत गर्ने अध्यक्ष मेहताले बताउनुभयो।
देवानगञ्ज गाउँपालिका भित्र कृषि सहकारी , बचत तथा ऋण सहकारी ,पशुपालन , तरकारी तथा फलफुल उत्पादन सहकारी र बहु उदेश्य सहकारी गरि ३१ वटा रहे ता पनि २५ वटा मात्र सहकारी सम्पर्कमा आएको र ६ वटा अझै पनि सम्पर्क विहिन रहेको सहकारी शाखा प्रमुख जिवछ पनियरले बताउनुभयो। प्रमुख पनियरका अनुसार सहकारी शाखामा आएको आफुलाई करिब ३ महिना भएको छ। केहि सहकारी मात्र सम्पर्कमा थियो बाँकी सम्पर्क बिहिन नै थियो। खोज्दै जाँदा अहिले सम्ममा २५ वटा सम्पर्क आएको मध्ये ११ वटाले को को मिस अपडेट गरेको बताउनुभयो । सम्पर्क बिहिन रहेका र को को मिस मा अपडेट गर्न छुटेकालाई सम्पर्क गर्न उहाँले आग्रह गर्नुभएको छ ।
देवानगञ्ज गाउँपालिकाका विभिन्न सहकारीका सहकारीकर्मीहरुले आफ्नो मन्तव्य राख्दै देवानगञ्जबाट राष्ट्रिय सहकारी दिवस मनाउन जिल्लाका विभिन्न ठाउँमा जानु पर्थ्यो तर आज आफ्नै पालिकामा मनाउन पाउदा खुशीको कुरा हो। देशका सहकारीहरुका कारण अहिले सहकारी संस्था प्रति विश्वाश गर्न छोड्दै गएको छ। देवानगञ्ज गाउँपालिकाका सहकारी संस्था कुनै विदेशीले सञ्चालन गरेको छैन। यहाका सहकारी संस्थामा त्यस्ता समस्या नआउने सहकारी प्रति विश्वास गर्न आग्रह गरेका थिए।
करिब ३२ हजार भन्दा बढी सहकारी संघ/संस्थाहरूमा आवद्ध ७३ लाखभन्दा बढी सदस्यको विशाल नेटवर्क रहेको अभियानले समाजमा सकारात्मक परिवर्तन ल्याउन, वित्तीय पहुँच विस्तार गर्न तथा आर्थिक समृद्धि प्रवद्र्धन गर्दै समुन्नत समाज निर्माणमा खेलको भूमिका उजागर गर्ने बर्षका रुपमा समेत दिवस मनाउने गरिएको छ ।
नेपालमा सहकारी अभियानको औपचारिक थालनी वि.सं. २०१३ साल चैत २० गतेदेखि भएको मानिन्छ । सोही ऐतिहासिक दिनको स्मरण गर्दै प्रत्येक वर्ष चैत २० गतेलाई ‘राष्ट्रिय सहकारी दिवस’ का रूपमा मनाउने परम्परा रहिआएको छ ।
