विराटनगर। कोशी प्रदेश सरकार स्वास्थ्य मन्त्रालयले पछिल्लो समय मानवको स्वास्थ्य प्रति जति संवेदनशील बन्नुपर्नेमा उदासीन बन्दै गएको छ।
कोशी प्रदेश सरकारको मातहतमा रहेको आयुर्वेद तर्फको जिल्ला आयुर्वेद स्वास्थ्य केन्द्रलाई दिँदै आएको बजेटमा कटौटी गरेपछि उक्त संस्थाबाट दिइने सेवा तर्क असर पर्दै गएको छ। विगतमा सुत्केरी आमाको लागि स्तन पाई आमा कार्यक्रम तर्फ बजेट छुट्याएकोमा आर्थिक वर्ष २०८१/२०८२ मा उक्त कार्यक्रमतर्फ बजेट विनियोजन नगरेको कारण उक्त कार्यक्रम तर्फबाट दिइने सेवा उपलब्ध गराउन नसकेको कुरा जिल्ला आयुर्वेद स्वास्थ्य केन्द्र मोरङले बताएको छ।
यो कार्यक्रम अन्त गर्न २०७९/२०८० मा १०८ र २०८०/२०८१ मा १०० जना सुत्केरी आमालाई सेवा दिएकोमा २०८१/२०८२ मा उक्त कार्यक्रमलाई प्रदेश सरकारले बन्द गरेको बताइन्छ। यसैगरी उक्त केन्द्रले जेष्ठ नागरिकलाई घरमै गएर सेवा दिने कार्यक्रम तर्फ सरकारले बजेट विनियोजन नगर्दा आर्थिक वर्ष २०८१/२०८२ मा उक्त कार्यक्रम अन्तर्गत जेष्ठ नागरिकले सेवा पाउन सकेनन् । आर्थिक वर्ष २०७९/२०८० मा ७४७ र आर्थिक वर्ष २०८०/२०८१ मा ५७५ जना जेष्ठ नागरिकलाई सेवा दिएकोमा चालु आर्थिक वर्षमा उक्त कार्यक्रमलाई बन्द गर्ने काम प्रदेश सरकारबाट भएको छ।
जिल्ला आयुर्वेद स्वास्थ्य केन्द्रले आर्थिक वर्ष २०८१/२०८२ मा पाइल्स र पिस्टोलाका बिरामी मध्य ९९५ जनाको सल्यक्रिया गरेको बताइन्छ। उक्त स्वास्थ्य केन्द्रमा ओपिडी तर्फ ९,९३७ जना बिरामीलाई सेवा दिएको योग थेरापी तर्फ ८४० जनालाई पञ्चकरण थेरापी तर्फ ५,५७८ जनालाई नागरिक आरोग्य सेवा ७२० जनालाई दिएको कुरा उक्त केन्द्र ले बताएको छ।
उक्त जिल्ला आयुर्वेद स्वास्थ्य केन्द्र मोरङले २३ प्रकारका औषधि निःशुल्क उपलब्ध गराउनुको साथै बिरामीलाई भर्ना गरेर उपचार गर्दै आएको छ।
