विराटनगर । विराटनगरदेखि पूर्वतर्फ रहेको राम चोक पछिल्लो समय कारोबारीको लागि सहयोगी स्थान बन्दै गइरहेको छ ।
इलाका प्रहरी कार्यालय पोखरियाको क्षेत्रबाट निर्बाध रूपमा भारतबाट सामान किनेर ल्याउने र पूर्वतर्फ उक्त सामान पुर्याउने काम भइरहेको छ ।
पोखरिया प्रहरी चौकीदेखि दक्षिण पश्चिमतर्फको बाटोबाट निर्बाध रूपमा तस्करी हुन गरेको छ । यसरी तस्कर गर्न मोटरसाइकलको प्रयोग गर्ने गरिएको छ । उक्त मोटरसाइकलबाट दैनिक क्विन्टलका क्विन्टल चिनी आइरहेको छ । यसरी उक्त मोटरसाइकलमा हालेर ल्याइएको सामान नहर नै राम चोक निकालिन्छ र उक्त सामानलाई व्यवस्थित गर्ने र अनुकूल हेरी विराटनगर, रङ्गेली हुँदै झोराहाट, नेताचोक लगायत पूर्व पुर्याउने काम भइरहेको छ ।
उक्त चिनी ओसारपसार गर्नको लागि को३१प२८२२ नम्बरको मोटरसाइकल व्यापारीले उपलब्ध गराउने गरेका हुन् ।
यसरी ल्याइएको सामान रामचोकका व्यापारीलाई दिने गरेको उक्त सामान उक्त व्यापारीको रहेको कुरा निजले बताएका छन् ।
यो मोटरसाइकलमा ३ क्विन्टलको हाराहारीमा चिनी रहेको बताइन्छ ।
यसरी दिउँसै खुलेआम चिनीको तस्करी हुँदा उक्त सामान ल्याउने एरियाको पोखरिया प्रहरी चौकी लगायत उक्त क्षेत्रमा कार्यरत सुरक्षाकर्मीको विश्वसनीयता माथि प्रश्न उठ्न थालेको छ ।
