विराटनगर । औषधि उत्पादक कम्पनीले औषधि बिक्रेतालाई दिने कमिसन बापतको रकम बिरामीबाट असुल गर्न सक्ने व्यवस्था गर्ने गरेका छन् ।
औषधि कम्पनीमध्ये कुनै कम्पनीले आफूले उत्पादन गरेको औषधि फिर्ता नलिने बढीमा १५% कमिसन औषधि डिलरलाई दिने गरेका छन् । कुनै कम्पनीले २५% कमिसन दिने, नबिकेको औषधि फिर्ता लिने, कुनै कम्पनीले औषधि फिर्ता नलिने १००% कमिसन दिने गरेका छन् ।
१००% कमिसनको हकमा ५००० हजार बराबरको जुन औषधि खरिद गर्दछन् सोही मूल्य बराबरको औषधि थप उपलब्ध गराउने काम औषधि कम्पनीले उपलब्ध गराउने गरेको कुरा औषधि डिलरका सञ्चालकले बताएका छन् ।
तर पछिल्लो समय औषधि उत्पादन गर्ने कम्पनीले औषधिमा उल्लेख गरेको MRP र कोसी अस्पताल विराटनगरको औषधि पसलले उपभोक्तालाई दिएको औषधि र सो औषधिको रकम हेर्दा स्वास्थ्य क्षेत्रमा व्यापक ब्रह्म लुट हुने गरेको छ ।
नेपालमा खोलिएका औषधि कम्पनीले MRP राख्दैनन् औषधिमै ठुलो रकम उल्लेख गर्ने गरेको कुरा औषधि डिलरका सञ्चालकले बताएका छन् ।
यसरी उपभोक्तालाई ठग्नेमा A Live Pharmaceutical Pvt. Ltd. नेपाल रहेको छ । उक्त कम्पनीद्वारा उत्पादित EGLUZIN (Empagliflozin) 10 mg को औषधि ६६ रुपैयाँ सरकारी अस्पताल भित्र किन्न पाइन्छ । तर औषधि उत्पादन गर्ने कम्पनीले MRP Rs. २०० उल्लेख गरी बजारमा पठाएको छ ।
कोसी अस्पतालको औषधि पसललाई ६६ रुपैयाँमा औषधि उपभोक्तालाई दिँदा फाइदा नै हुन्छ । MRP भनेको अधिकतम मूल्य हो । बाहिर औषधि पसलले सोही मूल्य हेरी उपभोक्तालाई औषधि दिने गरेका छन् ।
उत्पादन कम्पनीले राखेको मूल्य के ठिक छ । यसको लागत मूल्य कति हो ? लागत मूल्यभन्दा ३०० सम्म बढी मूल्य राख्न पाउँछ पाउँदैन यसको जवाफ सरकारले दिनुपर्छ । क.पी. शर्मा ओली नेतृत्वको सरकारले पछिल्लो समय उद्योग आफैँले लागत मूल्य जति भए पनि उपभोक्ता मूल्य कति राख्ने सो अधिकार उत्पादन गर्ने कम्पनीलाई छुट दिने कुरा बाहिर ल्याएपछि यो उद्योगले सरकारकै निर्णयलाई कार्यान्वयन गरेको त होइन भन्ने प्रश्न उब्जिएको छ ।
मानिस बिरामी भएपछि बाँच्नको लागि औषधि खाने गरेका छन् । मूल्य जति परे पनि सकभर खाने गरेका छन् । मानव स्वास्थ्यलाई ध्यानमा राखी औषधिमा MRP बढी उल्लेख गर्ने गरेका छन् । सरकारद्वारा नै लुट गर्ने अनुमति दिएको कारण औषधि कम्पनीले लुट्नसम्म लुट्ने नीति बनाएका हुन् ।
